![](https://raimondomoncada.it/wp-content/uploads/2023/07/img_3920.jpg)
Friscu chi trasi di notti
i spaddi ti dugnu
asciucami li sudura
di n’estati di focu.
Trasi
di la finestra spalancata
nta lu munnu
scuru
comu si fussi ncaniatu
comu si si l’avissi
a scuttari cu mia
mentri l’autri dorminu
mbriachi di vita
senza pinzeri
ca tantu chi ci fa?
nenti cangia
e comu va va
mentri la terra
di na parti spara
di ncelu palli di ghiacciu
e sdivaca ventu a timpesta
ca sradica arberi
e scuperchia tetti di casi;
e di n’autra parti
abbruscia
e fa puru dannu
e la cinniri
s’infila ‘nta li naschi
a farimi respirari
lu fetu.
Raimondo Moncada
ore 4,00
la testa mi parla in siciliano
e io mi faccio strumento
e scrivo
Lascia un commento